Arlind Boshku dhe Dritan Burgia kanë ardhur sot në selinë e Partisë Demokratike. Ata kanë kërkuar një takim ballafaques me kryetarin e PD, Sali Berisha në lidhje me vendimin e përjashtimit nga strukturat e PD në Durrës.
Boshku dhe Burgia kanë paraqitur dhe kërkesë për apelimin e vendimit për përjashtim, kërkesë të cilën ia kanë paraqitur Komisionit të Apelimit në PD.
Në një deklaratë për mediat ata thanë se janë të gatshëm të përballen me Sali Berishën.
Berisha ka lajmëruar një mbledhje grupi në orën 13.00, por nuk dihet nëse do të presë Boshkun dhe Burgian, të cilët ishin të shoqëruar nga disa mbështetës.
Mbështetësit e tyre hodhën akuza ndaj drejtuesit të qarkut Oerd Bylykbashi. Sipas tyre humbja e PD në Durrës erdhi nga Bylykbashi dhe Ardian Muka.
