Sot në Gjykatën e Apelit të Posaçëm në orën 9:30 do të shqyrtohet ankimimi i Belinda Ballukut kundër masës së sigurisë “pezullim nga ushtrimi i funksioneve”.
Avokatët pretendojnë se një masë e tillë nuk ka asnjë efekt, përderisa Balluku nuk është më as në postin e zëvendëskryeministres dhe as të Ministres së Infrastrukturës.
Më 9 prill, Gjykata e Lartë shqyrton rekursin e ish-numrit dy të qeverisë kundër masës së ndalimit për të dalë jashtë vendit. Balluku është nën hetim nga SPAK për paracaktim të kompanive fituese të tenderave të rrugëve me vlera miliona euro. Maxhoranca e rrëzoi më herët kërkesën e SPAK për leje për ta arrestuar ish-zv.kryeministren.
