Gjykata e Apelit të Posaçëm rrëzoi ankimin e Erion Veliajt dhe la në fuqi masën e sigurisë “arrest në burg” për kryebashkiakun e Tiranës. Vendimi u mor nga gjyqtarja Nertina Kosova, pasi kjo e fundit shqyrtoi ankimimin e Veliajt.
Kryebashkiaku kishte kërkuar zëvendësimin e masës “arrest në burg” me një masë më të butë, si “garancia pasurore” ose “detyrimi për t’u paraqitur në policinë gjyqësore”. Apeli vendosi miratimin e vendimit të GJKKO duke rrëzuar kërkesën për lehtësim të masës së sigurisë.
Seanca zgjati disa orë dhe i pranishëm ishte Veliaj. Ai mbrohej nga një avokate kryesisht. Veliaj mbahet në paraburgim që nga 10 shkurti 2025.
