Ka përfunduar procesi zgjedhor në Partia Demokratike e Shqipërisë, Dega Elbasan, ku pas numërimit të votave është shpallur fitues Alis Narazani, duke siguruar drejtimin e degës me shumicën e votave të anëtarësisë.
Procesi i votimit u zhvillua gjatë ditës së diel në selinë e partisë në Elbasan, me pjesëmarrjen e 1208 anëtarëve me të drejtë vote. Menjëherë pas mbylljes së votimit, nisi edhe procesi i numërimit nga komisioni përkatës.
Në garë për drejtimin e degës ishin pesë kandidatë: Durim Çekrezi, Elior Vila, Lumturi Hasa, Sokol Shkëlzeni dhe Alis Narazani. Ky i fundit arriti të fitojë besimin e shumicës së anëtarëve, ndërsa më herët ka qenl kandidat për deputet në të njëjtin qark.
Pas përfundimit të procesit, pritet që drejtuesi i ri të nisë menjëherë organizimin e strukturave dhe përgatitjet për sfidat e ardhshme politike.
