Nga Agim Xhafka
Për mua seanca 5 minutëshe në Kuvend e miratimit të programit qeverisës për 2025-2029 duhej të përfundonte për 2 minuta. Dhe aq ishin shumë. Sepse:
1-Qeveria nuk ka fare program. Ndaj as debatohet, as votohet hiçi. Vetë Rama në fushatë nuk shpalli asnjë strategji, ide, projekt për Shqipërinë e 4 viteve të ardhshme. Dhe populli ia dha votën. Pra Peleshi ka bërë më shumë se ç’duhet, ka hedhur për votim një vrimë në ujë dmth.
2- Qeveria Rama 1,2,3 me konsekuencë, pa fjetur gjumë, me punë heroike dhe vetmohuese arriti që të kapë të gjitha vendet e fundit, në rreshtimin Evropian dhe më gjerë. Na bëri vendin më të varfër, me arsimin copë-copë, me shëndetësinë që të bën të fala jo që është falas, me eksod biblik. Pra ia mbërriti ta kapë fundin. Në mandatin e katërt nuk ka ç’bën më se i realizoi gjithë synimet. Andaj Peleshi nuk kishte pse hidhte në votim një synim që qe realizuar.
3-Tashmë qeveria këto 4 vite që nisën nga halli i sukseseve që ka arritur dhe nga që nuk i ngelet gjë për t’u marrë do të bëhet si ai trau nëpër autostrada. Nëpër kabina do të rrinë ministrat dhe do të presin biletat për ata që do kalojnë. Normal që nuk do falin kënd. Me faturë të majme ata që kalojnë për koncesione, ata që marrin licensa lojrash fati e kazino, ata që marrin leje për kulla e resorte, por free nuk do ecin as qytetarët. Do shtrëngojnë rripin dhe ata se OSSSHEE ka borxhe, se ujësjellësat falimentuan, se spitalet s’kanë ilaçe, se administrata u fry deri në dyfish, se…Ndryshe nuk ngrihet trau. Ngelesh në trafik, as para, as prapa. S’ka tolerim. Në sallën e kontrollit rri vetë Rama me një foto të Diellës në dorë. Që qesh me të kur punët ecin mbroth dhe masturbohet me të kur punët ecin më mbroth.
Kuvendi për 5 minuta miratoi programin e qeverisë. Nesër do të miratojë dhe burrin me të cilin do të martohet Diella. Se 140 veta do të na tregojnë që s’e marrin rrogën kot. Që e bëjnë një punë. Në se kjo quhet punë.
