Nga Fitim Zekthi
Është e habitshme por edhe shumë e ulët dhe e shëmtuar të shohësh njerëz që thonë se ajo që po ndodh me popullin palestinez në Gaza, me fëmijët në Gaza, me vrasjet e mijëra fëmijëve në Gaza, nuk duhet të na ndikojnë ne në qëndrimin tonë. Ne, thonë disa, duhet të shohim hallin tonë, të shohim gjendjen tonë ekonomike apo shqoërore, gjendjen tonë të sundimit të ligjit apo të drejtës dhe të mos merremi me Gazën. Të tjerë thonë që ne duhet të shohim se cili vend ka njohur Kosovën dhe Kosovën e ka njohur Izraeli prandaj duhet të kemi simpati dhe madje dashuri për Izraelin dhe nuk duhet të nisemi nga çfarë ndodh me gjendjen në Gaza. Të tjerë thonë që çështja në Gaza është çështje marrëdhëniesh ndërkombëtare dhe duhet parë nga ai kënd, duhet kuptuar që lufta sjell viktima, që lufta ëhstë mizore etj. Të tjerë thonë që ajo që po ndodh në Gaza është përgjegjësi e sulmit të Hamas-it dhe vetë palestinezët janë shkaku.
Të gjitha këto qëndrime janë në thelb të pamoralshme dhe nuk kanë asfare të bëjnë me natyrën njerëzore. Zoti e ka pajisur njeriun me kapacitetin për empati dhe me kapacitetin për solidaritet. Pa këto cilësi ne nuk mund të jetojmë si qenie njeërzor edhe hnuk mund të ndërtojmë shqoëri njerëzore. Empatia ëhstë kapaciteti për të kuptuar, njohur, edhe përjetuar dhimbjen e tjetrit ndërsa solidariteti është kapaciteti që të bashkohesh dhe ndihmosh me ç'të mundesh, qoftë edhe me një lutje atë që vuan. Veç kësaj, kur bëhet fjalë për krime kaq të mëdha sa vrasja me mijëra e fëmijëve në mënyrë të pamëshirshme, qenia njerëzore preket në zemër të saj. Fëmijët, shkruan James Baldwin në esenë e tij të famshme "Nothing Personal" në vitin 1964 “janë gjithmonë tonët, kudo në gjithë globin; dhe po filloj të dyshoj se kushdo që është i paaftë ta njohë dhe pranojë këtë gjë është i paaftë të ketë moralitet.” Pra për qenien njerëzore edhe një fëmijë që vritet në Filipine apo Bolivi, për një fëmijë që është vrarë nga genocidi nazist në kampet e përqëndrimit, për një fëmijë që vdiq nga genocidi stalinist i urisë në fshatrat ukrainas, për një fëmijë shqiptar që vdiq nga genocidi komunist në kampin e Tepelenës është i të gjithëve. Nuk ka asnjë shpjegim dhe justifikim për qenien njerëzore ajo që ndodh në Gaza.
