Milani po vazhdon punën për gjetjen e trajnerit të ri pas largimit të Massimiliano Allegrit, ndërsa në listën e kandidatëve është shtuar edhe emri i Ralf Rangnickut.
Sipas raportimeve të “La Gazzetta dello Sport”, drejtuesit kuqezi po e konsiderojnë seriozisht trajnerin aktual të kombëtares së Austrisë për projektin e ri të klubit. Në procesin e përzgjedhjes është përfshirë edhe Zlatan Ibrahimovic, i cili po luan rol aktiv në vendimmarrje.
Mediat italiane raportojnë se Ibrahimovic është takuar me Rangnickun në Vjenë, ku është diskutuar mbi planin sportiv të Milanit dhe të ardhmen e skuadrës. Klubi italian thuhet se i ka propozuar trajnerit gjerman një rol të zgjeruar, që përfshin jo vetëm drejtimin e ekipit, por edhe ndikim në strategjinë e merkatos.
Kontrata e Rangnickut me kombëtaren e Austrisë përfundon pas Kupës së Botës 2026, ndërsa interesimi i Milanit për të nuk është i ri. Kuqezinjtë kishin tentuar ta afronin edhe në vitin 2020, por marrëveshja nuk u finalizua.
Megjithatë, sipas raportimeve të fundit, favoriti kryesor për pankinën e Milanit mbetet Andoni Iraola. Në listën e alternativave vazhdojnë të përmenden edhe Oliver Glasner dhe Xavi Hernandez.
