Liverpool ka konfirmuar zyrtarisht gjatë ditës së sotme shkarkimin e trajnerit holandez Arne Slot, pas dy sezonesh në krye të ekipit.
Slot iu bashkua Liverpoolit në verën e vitit 2024 dhe në sezonin e tij të parë arriti të fitojë titullin e Premier League. Megjithatë, sezoni i fundit rezultoi zhgënjyes për klubin, i cili nuk fitoi asnjë trofe dhe pati një formë të luhatshme që për pak sa nuk rrezikoi kualifikimin në Ligën e Kampionëve.
Në njoftimin zyrtar, klubi theksoi: “Liverpool FC mund të konfirmojë se Arne Slot do të largohet menjëherë nga roli i tij si trajner kryesor dhe se procesi për emërimin e një pasardhësi është duke u zhvilluar”.
“Ai largohet me një titull të Premier League në emrin e tij dhe me mirënjohjen dhe vlerësimin tonë më të thellë”, thuhet më tej në deklaratë.
Ndërkohë, emri më i përfolur për të marrë drejtimin e stolit të “The Reds” është ai i ish-trajnerit të Bournemouth, Andoni Iraola, i cili shihet si kandidati kryesor për të pasuar holandezin në Anfield.
