Ndërsa viti 2025 po mbyllet, vëmendja e fansave të muzikës është tashmë te ajo që pritet në 2026 – një vit që parashikohet plot rikthime të bujshme, albume të shumëpritura dhe turne gjigante.
Festivale pa Glastonbury, por me emra të mëdhenj
Në 2026, festivali Glastonbury do të jetë në vit pushimi, por kalendari veror mbetet i pasur. Reading & Leeds kryesohen nga Fontaines DC, Florence + The Machine, Dave, Charli XCX dhe Raye. BST Hyde Park në Londër ka goditjen më të madhe: Pitbull me të ftuar speciale Kesha. Ndërkohë, festivale si Latitude, Mighty Hoopla dhe End of the Road sjellin emra si Lily Allen, David Byrne dhe Pulp.
A do të rikthehet Oasis në Knebworth?
Pas përfundimit të turneut të rikthimit, Oasis lanë të hapur mundësinë e koncerteve të reja, por pa konfirmime. Thashethemet për një rikthim historik në Knebworth Castle vazhdojnë, edhe pse banda ka paralajmëruar një “pauzë reflektimi”.
AI në muzikë dhe reagimi kundër tij
Inteligjenca Artificiale po përdoret gjithnjë e më shumë në studio, por ka shkaktuar edhe polemika. Me rritjen e muzikës së gjeneruar nga AI, shumë artistë po kthehen te instrumentet live dhe tingulli “organik”. Debati për etiketimin e muzikës së krijuar nga njerëz realë pritet të intensifikohet në 2026.
Albume të reja nga yjet globalë
2026 pritet të jetë vit i fortë për publikimet:
• Beyoncé pritet të nxjerrë albumin e radhës, që fansat besojnë se do të jetë rock.
• Harry Styles po përgatit albumin e katërt.
• Lana Del Rey më në fund pritet të publikojë albumin country.
• Gorillaz festojnë 25-vjetorin me albumin The Mountain.
• Madonna, Raye, Robyn dhe Carly Rae Jepsen kanë konfirmuar projekte të reja.
• Bob Dylan, U2, The Rolling Stones, Sam Fender, Stormzy dhe Noah Kahan gjithashtu janë në studio.
K-pop: Rikthimi i BTS dhe Blackpink
Pas shërbimit ushtarak, BTS rikthehen me album dhe turne në 2026, një ngjarje që pritet të thyejë rekorde. Edhe Blackpink janë drejt publikimit të një albumi të ri. Ndërkohë, grupi Katseye shihet si sensacioni i radhës global.
Turne gjigante dhe bileta të shtrenjta
Edhe pse çmimet e biletave vazhdojnë të rriten, interesimi nuk bie. 2026 sjell turne nga Take That, Ariana Grande, Olivia Dean, My Chemical Romance, Bon Jovi, The Weeknd dhe Bad Bunny. Ka pritshmëri edhe për rikthime në skenë nga Radiohead, U2 dhe Harry Styles.
