Hollywood-i ka gjithmonë histori të çuditshme, por ajo e Jack Nicholson është një nga më të befasueset. Aktori legjendar jetoi pothuajse katër dekada duke besuar se nëna e tij biologjike, June, ishte motra e tij, ndërsa gjyshja, Ethel May, ishte nëna që e rriti.
Në vitin 1936, June, vetëm 18 vjeç, mbeti shtatzënë nga i dashuri i saj i asaj kohe, Don, i cili ishte i martuar. Për të shmangur turpin e një fëmije jashtë martese, Ethel May mori rolin e nënës, duke e rritur Jack si djalin esaj dhe duke prezantuar June-n si motrën e tij.
Jack nuk e kuptoi kurrë të vërtetën gjatë fëmijërisë. Më vonë, kur u zhvendos në Los Angeles për të ndjekur ëndrrën e Hollywood-it, ai u bashkua me “motrën” June për të ndjekur karrierën në filma.
Befasia më e madhe erdhi në vitin 1974, kur revista Time i dha alarmin se e gjithë e vërteta po dilte në dritë: babai i tij ishte gjallë, dhe ajo që ai kishte menduar për nënën dhe motrën nuk ishte e vërtetë. Në vend të traumës së plotë, Nicholson e përshkroi zbulimin si “dramatike, por jo traumatizuese”, dhe e cilësoi aftësinë e familjes për të mbajtur sekretin si diçka mbresëlënëse.
Ai ka bërë shaka më vonë duke e quajtur June-n “motër-nënë”, por rrëfimi mbetet një nga sekretet më të çuditshme të Hollywood-it, që tregon se pas buzëqeshjes ikonike të Nicholson fshihet një histori e pazakontë familjare.
