Filmi horror me vampirë, “Sinners” (Mëkatarët) ka thyer rekordin për më shumë nominime për çmimin Oscar nga një film i vetëm, pasi u nominua për 16 nga çmimet më të lakmuara të Hollivudit.
Filmi theu rekordin e mëparshëm prej 14 nominimesh dhe doli përpara rivalit të tij më të afërt këtë vit, trillerit të Leonardo DiCaprio-s “One Battle After Another”, i cili është kandidat për 13 çmime.
Pretendentët e “Sinners” përfshijnë yllin e saj Michael B Jordan dhe bashkë-yjet e tij britanikë Wunmi Mosaku dhe Delroy Lindo.
Yje të tjerë të nominuar për trofe përfshijnë Timothee Chalamet, i cili shpreson të jetë me fat për herën e tretë pas dy nominimeve të mëparshme, dhe aktoren irlandeze Jessie Buckley, e cila është favorite për të fituar çmimin për aktoren më të mirë për rolin në filmin Hamnet.
Megjithatë, nuk kishte vend për bashkë-yllin e saj, Paul Mescal, i cili luajti përballë Buckley-t si William Shakespeare në Hamnet; ndërsa Wicked: For Good dhe yjet e tij Cynthia Erivo dhe Ariana Grande munguan plotësisht.
Fituesit do të shpallen në një ceremoni në Hollywood më 15 mars.
