Dy vite më parë, bota duartrokiti Shqipërinë për shpalljen e Vjosës Parkun e Parë Kombëtar të Lumit të Egër në Evropë — një arritje e rëndësishme për natyrën dhe një moment krenarie kombëtare. Megjithatë, që prej asaj shpalljeje, ai premtim ka mbetur vetëm në emër, i gërryer nga kërcënime të vazhdueshme dhe mungesë zbatimi që në fillim.
Vjosa vazhdon të përballet me kërcënime serioze nga nxjerrja e naftës dhe bitumit, marrja e ujit, nxjerrja e zhavorrit, grumbullimi i mbetjeve dhe ndotja — të gjitha këto vënë në rrezik shëndetin dhe biodiversitetin e lumit. Këto nuk janë shqetësime abstrakte. Ato janë reale, të vazhdueshme dhe të dokumentuara mirë, dhe nuk kanë vend në një park kombëtar.
Madje edhe veprimtari të paligjshme, si rrjedhjet e vazhdueshme të naftës, janë lejuar të vazhdojnë pa asnjë ndërhyrje nga autoritetet. Vetëm pasi shoqëria civile i bëri publike këto shkelje, u mor ndonjë masë.
Në rrjetin social "Facebook" është bërë një thirrje publike ku kërkohet që të paraqesin planin e veprimit të qeverisë, konkretisht Edi Ramës dhe Mirela Kumbaros, për përmbushjen e këtyre angazhimeve, duke përfshirë një afat të qartë për realizimin e tyre.
"Ne, anëtarë të komunitetit ndërkombëtar që kujdesemi thellësisht për Vjosën, ju bëjmë thirrje të:
Ndërprisni menjëherë këto veprimtari të dëmshme.
Rivendosni dëmet mjedisore që janë shkaktuar.
Siguroni parandalimin e këtyre kërcënimeve në të ardhmen përmes zbatimit të menjëhershëm, të plotë dhe efektiv", thuhet në deklaratën e tyre.
Bota u bashkua për një lumë të gjallë, jo për një premtim bosh. Është koha që fjalët të kthehen në veprime. Mbroni Parkun tonë të Vjosës Tani.
Megjithatë, një nga lumenjtë e fundit të egër në Evropë është ende i kërcënuar nga ndotja, shfrytëzimi i ujit dhe rrjedhjet kimike.
Statusi si Park Kombëtar vetëm në emër nuk do të thotë mbrojtje. Kërkoni nga qeveria shqiptare të mbajë premtimin e dhënë për këtë vend të egër dhe të sigurojë që Parku Kombëtar i Lumit Vjosa të mbrohet sot, nesër dhe përgjithmonë.
Linku i peticionit: https://p2a.co/GO4TCD2
