Komisioni i Ankimimeve dhe Sanksioneve (KAS) ka vendosur se dorëheqjet e kandidatëve të koalicionit “Lëvizja Shqipëria Bëhet” në ditën e zgjedhjeve janë akte të pavlefshme, duke i cilësuar ato si juridikisht “akte nule”.
Kjo do të thotë se heqja dorë nga kandidimi nuk ka asnjë efekt ligjor dhe nuk mund të pranohet nga Komisioni Qendror i Zgjedhjeve (KQZ).
Kështu, mandati i deputetes Kleana Xhuveli, kushërira e Adriatik Lapajt, është anuluar, dhe në vend të saj në Kuvend do të hyjë kandidatja Ana Dajko, sipas listës shumëemërore të miratuar nga KQZ për qarkun Tiranë.
Në shtator në Kuvendin e Shqipërisë do të shkojë Ana Dajko, 60 vjeçe, me profesion shitëse, e cila është nëna e njërit prej aktivistëve të Shqipëria Bëhet, e futur në kandidim me qëllim djegien e listës.
KAS e ka konsideruar veprimin si një strategji politike të dështuar dhe e ka lënë në fuqi pjesën tjetër të vendimit të KQZ.
