Një ngjarje e rëndë ka ndodhur mbrëmjen e djeshme në fshatin Çërravë të Pogradecit, ku një stallë bagëtish është përfshirë nga flakët dhe është shkrumbuar plotësisht. Si pasojë e zjarrit, janë djegur të gjalla mbi 170 dele, duke shkaktuar dëme të konsiderueshme për pronarin.
Stalla ndodhej në një zonë të izoluar, larg banesave të fshatit, çka ka bërë që zjarri të vihet re vetëm në orët e para të mëngjesit nga vetë pronari. Shkaqet e zjarrit mbeten ende të paqarta.
Policia dhe grupi hetimor ndodhen në vendngjarje dhe po punojnë për të zbardhur rrethanat e plota të incidentit.
