Një zjarr i përmasave të mëdha shpërtheu mbrëmjen e kësaj të enjteje në një pallat në rrugën “Ali Demi” në Tiranë. Sipas informacioneve paraprake, flakët kanë përfshirë katin e parë të godinës në rrethana ende të paqarta, ndërsa zjarri u përhap shpejt, duke shkaktuar panik mes banorëve të zonës.
Si pasojë e incidentit, një person i moshuar dhe invalid ka humbur jetën, dyshohet nga asfiksia e shkaktuar nga tymi. Në vendngjarje kanë mbërritur menjëherë ekipet e zjarrfikëses, të cilat po punojnë për neutralizimin e flakëve, ndërsa ambulanca janë dislokuar për të ofruar ndihmë të menjëhershme për çdo rast emergjent.
