Një zjarr i përmasave të mëdha ka shpërthyer në fushën e Dukatit, vetëm 50 metra larg një banese, duke krijuar një situatë tepër alarmante. Flakët po përhapen me shpejtësi, duke rrezikuar seriozisht banesat përreth.
Në vendngjarje, deri para pak minutash, ndodhej vetëm një patrullë policie dhe kalimtarë të rastësishëm, ndërkohë që forcat zjarrfikëse ende nuk kishin mbërritur. Autoritetet u bëjnë thirrje strukturave përkatëse për ndërhyrje urgjente, me qëllim parandalimin e përshkallëzimit të situatës.
Ndërkohë, një tjetër vatër zjarri është shënuar në një kodër pranë fshatit Drashovicë, në Bashkinë Selenicë. Terreni i thyer dhe era e fortë po e bëjnë të vështirë kontrollin e flakëve, duke favorizuar përhapjen e tyre në zona të tjera.
