Zv.kryeministrja dhe Ministrja e Infrastrukturës, Belinda Balluku, është paraqitur sot në SPAK, pas thirrjes që i ishte dërguar një javë më parë nga prokurori Dritan Prençi. Hetimi ka lidhje me dyshimet për korrupsion rreth tenderit të mbikëqyrjes së punimeve të tunelit të Llogarasë.
Emri i Ballukut ka dalë në bisedat e gjetura në celularin e ish-kreut të ARRSH-së, Ervis Berberi, i cili ndodhet në burg për korrupsion lidhur me të njëjtin tender.
Para saj në SPAK ishte paraqitur Pamela Qirko, motra e Ballukut dhe avokatja e saj. Hetimi ka tërhequr vëmendje, pasi Balluku është zyrtarja më e lartë që po merret nën hetim nga SPAK.
