Zbardhet vrasja 47-vjeçarit nga Gjirokastra, Artur Bashimi, mbrëmjen e 18 gushtit në Agio Pantaleimona të Athinës.
Në prangat e policisë greke ka rënë një grek 27-vjeçar, i cili rezulton të jetë përdorues droge.
Po ashtu është arrestuar dhe një bashkëpunëtor i vrasësit, një tjetër 27-vjeçar grek.
Autori i dyshuar deklaroi ky i fundit, vrasjen e kreu kundrejt shpërblimit 15.000 euro. Para hetuesve ai tha se nuk e njihte porositësin dhe as e dinte arsyen pse duhet të ekzekutonte Bashimin, por vetëm se urdhri për vrasjen ishte dhënë nga burgu.
Viktima u ekzekutua armë në rrugën “Mihail Boda 200” në lagjen “Agio Pantaleimona” më 18 gusht. Autori i vrasjes ishte i veshur me rroba të errëta, kaskë, xhup motorçiklete dhe doreza në mënyrë që të mos linte gjurmë. Ai iu afrua 47-vjeçarit dhe e qëlloi një herë në gjoks.
Artur Bashimi rezultonte me precedente penale.
Artur Bashimi është vëllai i 38-vjeçarit Marsel Bashimi alias Marsel Shkurtaj alias Marsel Gozhita, person me precedente të rënda penale në Greqi e Shqipëri.
Marsel Bashimi në korrik 2022 u arrestua bashkë me Bledar Jambellin dhe Kristaq Lecin. Këta të fundit akuzohen në Shqipëri si autorë të vrasjes së Kryekomisar Artan Cukut.
