Zbardhet ngjarja e ndodhur më 20 gusht 2025 në fshatin Hamallaj, Shijak, ku një 28-vjeçar, Liridon Rata, u plagos gjatë një konflikti të dhunshëm që filloi me sende të forta dhe përfundoi me armë zjarri. Konflikti ka lindur për motive të dobëta, të lidhura me parkimin e një automjeti pranë zonës së plazhit të autorëve.
Nga veprimet e para hetimore, Policia arrestoi në flagrancë Altin Lekgegaj, 37 vjeç, dhe Armen Sabliqi, 18 vjeç, ndërsa në kërkim janë shpallur vëllai dhe nipi i Lekgegajt, si dhe një tjetër person i përfshirë. Gjatë kontrolleve, u sekuestruan dy thika dhe sende të forta, që do të shërbejnë si prova materiale.
Nga veprimet e para hetimore rezultoi se më datë 20.08.2025, rreth orës 17:00, në fshatin Hamallë Sektor, Njësia Sukth, Durrës, në zonën e bregut të detit Adriatik, 37 vjeçari, në bashkëpunim me vëllanë e tij si dhe nipin, pas një konflikti për motive të dobëta me Liridon Ratën, që lidhej me parkimin e automjetit përpara zonës së plazhit të 37 vjeçarit, konflikt i cili fillimisht ka nisur me sende të forta dhe më pas duke përdorur armë zjarri që e mbante pa leje, ka tentuar të vrasë 28 vjeçarin, banues në Kolesjan, Kukës.
Nga të shtënat, 28-vjeçari ka pësuar dëmtime shëndetësore dhe ndodhet në Spitalin e Traumës në Tiranë, jashtë rrezikut për jetën. Gjatë këqyrjes së vendit të ngjarjes, u gjetën sende të forta si bishta druri të përdorur në konflikt.
