Një ngjarje e rëndë është shënuar në Korinth të Greqisë, ku një 17-vjeçar shqiptar ka humbur jetën pas një përleshjeje me një të ri grek.
Sipas autoriteteve greke, i riu shqiptar, Aleks Vangjeli, është paraqitur fillimisht në spital me plagë në zonën e barkut. Ai kishte deklaruar se ishte përplasur me makinë, por për shkak të gjendjes së rëndë u transportua me ambulancë drejt Athinës. Pavarësisht përpjekjeve të mjekëve, 17-vjeçari nuk mundi t’u mbijetojë plagëve të marra.
Në të njëjtën kohë, në një klinikë private në Korinth është paraqitur edhe një 19-vjeçar grek, gjithashtu i plagosur me thikë, i cili ka dhënë të njëjtin version, duke pretenduar se ishte përfshirë në një aksident.
Autoritetet po hetojnë rrethanat e ngjarjes, ndërsa dyshohet se mes dy të rinjve ka pasur një sherr për motive të dobëta që përfundoi në përdorimin e thikës.
