Gjykata e Tiranës cilësoi fajtor dhe dënoi me 24 vite burgim Ilir Beqarajn, i akuzuar për vrasjen e ish-policit të Burgjeve Gentjan Bejtja, në oborrin e banesës së tij në fshatin Larushk të Fushë Krujës më 15 mars 2024.
Beqaraj u cilësua fajtor për akuzat e vrasjes me paramendim kryer në bashkëpunim, mbajtje pa leje të armëve dhe falsifikim dokumentesh.
Gentjan Bejtja ishte në përplasje të forta me vëllezërit Valter e Durim Bami, të konsideruar si të fortët e Niklës, me të cilët kishte patur një miqësi të fortë, derisa pazaret mes tyre u prishën. Bejtja iu kiste mbijetuar disa atentateve, ndërsa në derën e shtëpisë një vit para se të ekzekutohej, i ishte vrarë kunati dhe plagosur dy djemtë.
