Një 38-vjeçar i dyshuar për vrasje u arrestua këtë të hënë nga policia.
Bëhet fjalë për Agim Gashin 38 vjeç, i cili kërkohej për veprat penale “Vrasje me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”.
38-vjeçari dyshohet se, në bashkëpunim me vëllain e tij, shtetasin K. G. (aktualisht në paraburgim në ambientet e IEVP Fier), më datë 07.12.2023, në lagjen “16 Prilli”, Fier, pas një konflikti për motive të dobëta, kanë qëlluar me armë zjarri në drejtim të një automjeti që drejtohej nga shtetasi Elton Javor. Për pasojë 41-vjeçari ndërroi jetë.
