Mbrëmjen e 4 shtatorit, Shkodra u trondit nga një ngjarje e rëndë kriminale, ku u vra me armë zjarri 34-vjeçari Kristjan Kola. Ngjarja ndodhi rreth orës 22:30, në lagjen "Vasil Shanto", pranë një lokali ku viktima ndodhej në ambientet e jashtme.
Sipas Policisë, autorët janë dy persona ende të paidentifikuar që lëviznin me motor. Pas krimit, trupi i Kolës u transportua me autoambulancë, ndërsa forcat e rendit vendosën pika kontrolli në dalje të qytetit për kapjen e autorëve.
Ndërkohë, është ngritur një grup i posaçëm hetimor nën drejtimin e Prokurorisë, i cili po punon për zbardhjen e plotë të ngjarjes dhe identifikimin e autorëve.
Njoftimi i policise
Shkodër / Informacion paraprak
Rreth orës 22:30, në lagjen “Vasil Shanto”, në rrethana ende të paqarta, dy shtetas ende të paidentifikuar dyshohet se kanë vrarë me armë zjarri shtetasin K. K., 34 vjeç, i cili ishte në ambientet e jashtme të një lokali.
Shërbimet e Policisë kanë shkuar menjëherë në vendngjarje, janë ngritur pika kontrolli në dalje të qytetit dhe vijojnë kontrollet në zonë e në ambiente të ndryshme, për kapjen e autorëve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorëve.
