Një ngjarje e rëndë ka tronditur opinionin publik në Kosovë, ku dy vëllezër janë ekzekutuar me armë zjarri. Sipas mediave vendase, autori i dyshuar është dhëndri i familjes, Astrit Isufi.
Policia njofton se ngjarja ka ndodhur në një fshat të Drenasit, ndërsa autori është shpallur në kërkim. Rreth orës 11:30, viktimat u transportuan në Qendrën e Mjekësisë Familjare në Kijevë, por mjekët konstatuan se ishin pa shenja jete.
Të ndjerët, të moshave 32 dhe 45 vjeç, janë qëlluar për vdekje pranë banesës së tyre. Hetimet paraprake tregojnë se motivi mund të ketë qenë një konflikt i vjetër familjar.
Sipas burimeve policore, i dyshuari kishte shkuar në shtëpinë e viktimave për të marrë gruan e tij, por pas një debati verbal, është larguar për pak dhe më pas është kthyer duke qëlluar në drejtim të dy vëllezërve. Njëri prej tyre humbi jetën në vend, ndërsa tjetri gjatë rrugës për në spital.
Ndërkohë, hetimet vijojnë pasi dyshohet se edhe vëllai i autorit të dyshuar ka pasur më parë konflikte me viktimat.
