Një ngjarje e rëndë ka tronditur këtë të martë qytetin e Beratit, ku një debat për një foto me kalin ka përfunduar me vrasje.
Sipas të dhënave paraprake, viktima Keli Hoxha, nga Tirana, ndodhej me nënën, bashkëshorten dhe dy fëmijët pranë kalasë së Beratit. Ai u kishte bërë foto fëmijëve me një kalë, por nuk kishte paguar paratë e kërkuara nga pronari.
Pas një debati të ashpër, pronari i kalit, Kristo Mema, i njohur edhe me emrin Kastriot Hoxha, 63 vjeç, e goditi me thikë turistin në sy të familjarëve të tij, duke i shkaktuar plagë të rënda që i morën jetën.
Autori i ngjarjes është arrestuar nga policia, ndërsa rezulton të ketë pasur precedent penal në shtetin fqinj, Greqi.
