Një burrë 52-vjeçar është ndaluar me akuzën për vrasje të rënduar, pasi vrau me thikë të dashurën e tij, Pamela Genini, 29 vjeçe, në banesën e saj në Milano. Ai më pas tentoi vetëvrasjen, por ndodhet jashtë rrezikut për jetën dhe është shtruar në gjendje të rëndë në spitalin Niguarda.
Sipas hetimeve paraprake, burri kishte shkuar në banesën e viktimës me një thikë, të cilën e kishte marrë nga jashtë, dhe me të e ka goditur për vdekje, pasi e kishte tërhequr zvarrë në ballkon. Dëshmitarët thonë se e kanë dëgjuar vajzën duke kërkuar ndihmë nga ballkoni.
Vrasja ndodhi në mbrëmjen e djeshme, në rrugën Iglesias, në lagjen Gorla, në periferi të veriut të Milanos. Banorët e ndërtesës, të alarmuar nga britmat, thirrën policinë. Në vendngjarje mbërritën forcat e policisë dhe ambulanca, por për të renë nuk mund të bëhej më asgjë.
24 goditje me thikë – një vrasje me motive të ulëta dhe me egërsi
Pamela Genini, model dhe sipërmarrëse, është goditur me 24 thika në pjesë të ndryshme të trupit: qafë, shpinë, kraharor, krahë dhe duar.
Sipas akuzës nga prokuroria e Milanos dhe hetimeve të kryera nga policia dhe prokurorja Alessia Menegazzo, burri ishte përfshirë më parë në sjellje përndjekëse ndaj viktimës dhe kishte bërë kopje të çelësave të banesës së saj pa dijeninë e saj. Gjithashtu, ai e kishte kërcënuar vazhdimisht me vdekje.
Prokuroria e ka ngarkuar atë me disa rrethana rënduese:
Vrasje me paramendim
Përndjekje (stalking), sipas nenit 612-bis të Kodit Penal
Kryerja e krimit ndaj një personi me të cilin kishte lidhje sentimentale
Motivet e ulëta
Egjërsia në kryerjen e krimit
Autori i dyshuar është Gianluca Soncin, i lindur në Biella në vitin 1973 dhe banues në Cervia.
Kush ishte Pamela Genini?
29 vjeçe, nga Strozza (provinca e Bergamos), Itali
Ishte model, sipërmarrëse dhe agjente e pasurive të paluajtshme në sektorin e luksit
Kishte krijuar një markë veshjesh plazhi luksoze të quajtur EP SheLux.
Kishte marrë pjesë në një reality show në rininë e saj: L’isola di Adamo ed Eva.
Ishte aktive në rrjete sociale dhe frekuentonte shpesh ambiente të modës dhe evente të njohura si Festivali i Filmit në Venecia.
Shpesh udhëtonte në destinacione luksoze: Dubai, Monako, Roma, Costa Smeralda.
