Detaje të reja dalin në dritë lidhur me ekzekutimin e Kristian Kolës mbrëmjen e 4 shtatorit në Shkodër. Viktima ishte ulur bashkë me një shok në tavolinë, në një lokal në lagjen Vasil Shanto. Makinën sipas të dhënave e kishte parkuar para lokalit.
Një moment pranë tij është ndaluar një motorr i zi dhe njëri prej personave ka zbritur dhe e ka qëlluar për vdekje Kolën. Sipas policisë vrasësi është profesionist dhe mund të ketë vepruar me pagesë pasi nuk ka shkaktuar dëme anësore. Edhe pse vetëm më pak se 1 metër distancë nga viktima shoku i tij nuk është prekur nga plumbat.
Policia ka rindërtuar dinamikën e krimit, por ndërkohë nuk ka ende një motiv të qartë, për shkak se viktima nuk ka rekorde penale, të paktën të njohura për policinë. Një konflikt për motive banale të ndodhur 2 vite më parë rezulton se është sqaruar që mbrëmë pas krimit. Policia ka kthyer sytë nga zona e Dukagjinit prej nga është familja Kola, një zonë problematike, për të hetuar nëse kjo familje ka konflikte të vjetra apo që lidhen me kultivimin e kanabisit sidomos në 2015-2016.
Ndërsa do hetohet e kaluara e viktimës jashtë vendit. Ajo cfarë dihet është së Kristian Kola shoqërohej me djemtë e një biznesmeni të njohur shkodran, por edhe kjo mbetet një pistë e vakët për hetuesit.
Njoftimi:
Malësi e Madhe / Vijojnë veprimet hetimore dhe operacionale në kuadër të operacionit policor antikanabis, të koduar “Koordinata”.
Kishin kultivuar 5093 bimë narkotike, në fshatin Alijaj, kapen në flagrancë në parcelë dhe vihen në pranga 2 shtetas.
Gjithashtu, u shpallën në kërkim dy shtetas (vëllezër), dhe u procedua një shtetase në gjendje të lirë.
Në vijim të veprimeve hetimore dhe operacionale të kryera në kuadër të operacionit policor antikanabis, të koduar “Koordinata”, specialistët për Hetimin e Krimeve të Komisariatit të Policisë Malësi e Madhe arrestuan në flagrancë shtetasit E. Sh., 47 vjeç, dhe K. Sh., 74 vjeç, banues në fshatin Alijaj.
Gjithashtu u procedua në gjendje të lirë shtetasja S. Sh., 57 vjeçe, dhe u shpallën në kërkim shtetasit B. Sh., 22 vjeç, dhe G. Sh., 25 vjeç (vëllezër), të afërm të gjithë me njëri-tjetrin.
Nga hetimet e kryera, në bashkëpunim me DVKM Shkodër, dyshohet se këta shtetas kanë kultivuar 5093 bimë të dyshuara narkotike, të llojit Cannabis Sativa, në fshatin Alijaj, në afërsi të banesave të tyre. Bimët narkotike u asgjësuan me anë të djegies.
