Shoqata Europiane e Gjyqtarëve ka reaguar pas ngjarjes së rëndë që ndodhi një ditë më parë në Tiranë, ku gjyqtari Astrit Kalaja u vra me armë brenda sallës së gjyqit. Në një letër drejtuar Unionit të Gjyqtarëve të Shqipërisë, Shoqata shpreh ngushëllimet për humbjen tragjike dhe solidaritetin me sistemin gjyqësor shqiptar.
“Në emër të Bordit të Shoqatës Evropiane të Gjyqtarëve (EAJ), dëshiroj të shpreh ngushëllimet dhe keqardhjen tonë të thellë për këtë ngjarje tragjike, drejtuar shoqatës suaj dhe gjithë sistemit gjyqësor shqiptar”, thuhet në deklaratë.
Letra e plotë:
Të nderuar kolegë,
Sipas raportimeve në media, kemi mësuar me tronditje se një gjyqtar shqiptar është vrarë gjatë detyrës së tij ditën e hënë.
Në emër të Bordit të Shoqatës Evropiane të Gjyqtarëve (EAJ), dëshiroj të shpreh ngushëllimet dhe keqardhjen tonë të thellë për këtë ngjarje tragjike, drejtuar shoqatës suaj dhe gjithë sistemit gjyqësor shqiptar.
Në të njëjtën kohë, do të dëshironim të informoheshim më në detaje nga ju lidhur me rrethanat e këtij incidenti dhe situatën aktuale.
Faleminderit për vëmendjen tuaj.
Me respekt,
Mikael Sjoberg
President i Shoqatës Evropiane të Gjyqtarëve
Grupi Rajonal i Shoqatës Ndërkombëtare të Gjyqtarëve
|
|
||
 |
||
