Hetuesit kanë siguruar të dhëna të reja lidhur me vrasjen e shtetasit italian 44-vjeçarit Edoardo Sarchi, administrator i kompanisë Tegola Edilcentro për prodhimin e tullave. Italiani pas orës 24:00 të mbrëmjes ka dalë me makinë i veshur me rroba gjahu dhe bashkë me të në një makinë të dytë kanë qenë dhe ortaku i tij Eqerem Braçe dhe një person tjetër.
Eqeremi ka pretenduar para policisë së një moment përpara iu ka dalë një person dhe ka qëlluar në drejtim të tyre. Për pasojë ka humbur jetën 44-vjeçari. Policia po e verifikon alibinë e tij dhe ekspertët po përcaktojnë tipin e armës me të cilën është qëlluar administratori i fabrikës së tullave dhe distanca.
Per momentin Eqerem Braçe është trasferuar në spital pasi vuan nga diabeti. Italiani jeton në Shqipëri prej 15 vitesh dhe është i martuar me shtetase shqiptare.
