Valbon Beqiraj dyshohet të jetë përleshur me autorin e dyshuar dhe më pas ai e ka goditur me thikë duke i shkaktuar vdekjen.
Burime nga policia thanë për VNA se Beqiraj u gjet i pajetë nga një familjar, i cili kishte shkuar në banesën e tij pasi e kishin telefonuar disa herë dhe ai nuk ishte përgjigjur. Ndaj nipi shkoi në shtëpinë ku ai qëndronte për të parë çfarë kishte ndodhur, ku ai e gjeti të vrarë.
Policia ka shoqëruar 10 persona dhe besohet se njëri prej tyre është autori i krimit. 51-vjeçari i vrarë punonte si kamarier dge jetonte në shtëpinë e një të njohure që kishte në ruajtje. Ai ishte ndarë nga bashkëshortja prej disa kohësh. Policia po heton lidhur me motivet e vrasjes së Beqirajt.
