Gjykata ka lënë në burg autorin e dyshuar për vrasjen e 48-vjeçarit Skerdilajd Isufi në Kavajë, shtetasin Roland Puja Deraj. Ngjarja ndodhi të shtunën, ku 48-vjeçari humbi jetën si pasojë e plagëve të marra me mjet prerës.
Sipas informacioneve paraprake, viktima kishte shkuar te xhaxhai dhe kishte parkuar automjetin para banesës së Derajt, i cili ka dalë nga banesa dhe i ka kërkuar të largojë makinën. Debati për parkimin ka degjeneruar në konflikt verbal mes tyre.
Gjatë përplasjes, viktima dyshohet se iu përgjigj në mënyrë të ashpër autorit. Në atë moment, Roland Puja nxori një thikë, e ndoqi dhe e goditi viktimën dy herë në pjesën e zemrës.
