VNA ka siguruar draftin e ligjit për Amnistinë Penale, i cili po shqyrtohet nga Kuvendi i Shqipërisë dhe synon zbutjen e dënimeve për disa kategori të të dënuarve, me qëllim lehtësimin e integrimit të tyre në shoqëri. Amnistia parashikohet për vepra penale të kryera deri më 31 dhjetor 2025.
Sipas draftit, përfitojnë personat e dënuar me vendim të formës së prerë deri në tre vjet burg për burrat dhe deri në katër vjet për gratë, përfshirë edhe format alternative të dënimit. Për ata që ende vuajnë dënimin, parashikohet përjashtimi nga burgu nëse u kanë mbetur deri në tre vjet për burrat dhe katër vjet për gratë.
Në skemën e përfitimit përfshihen edhe të moshuarit, nga 60 vjeç për burrat dhe 50 vjeç për gratë, si dhe personat që kanë qenë të mitur në momentin e kryerjes së veprës penale.
Draftligji përjashton nga amnistia personat që i janë shmangur drejtësisë, të dënuarit për krime të rënda, ata me burgim të përjetshëm dhe subjektet në hetim ose gjykim nga SPAK. Parashikohet gjithashtu ulje e dënimit deri në një vit për burrat dhe deri në një vit e gjysmë për gratë dhe të miturit.
Ligji pritet të hyjë në fuqi 15 ditë pas botimit në Fletoren Zyrtare.
Më poshtë drafti i plotë:
