Të nderuar ndjekës dhe vizitorë,
Dëshirojmë t’ju informojmë se faqja zyrtare e VNA aktualisht po përballet me një sulm të koordinuar kibernetik (cyber-attack) nga jashtë territorit të Shqipërisë.
Ky sulm ka nisur menjëherë pas publikimit të artikullit tonë të fundit lidhur me veprimtarinë dhe hetimet e SPAK ndaj një grupi të strukturuar kriminal.
Me qëllim mbrojtjen e infrastrukturës sonë mediatike dhe garantimin e sigurisë së platformës, jemi detyruar të ndërmarrim një masë teknike të përkohshme: bllokimin e aksesit dhe vizitave nga jashtë Shqipërisë.
U kërkojmë ndjesë të sinqertë të gjithë lexuesve dhe bashkatdhetarëve tanë në diasporë që aktualisht nuk mund të kenë akses në faqen tonë. Siguria e platformës dhe mbrojtja e fjalës së lirë mbeten prioriteti ynë kryesor.
Për këtë çështje kemi informuar edhe Prokurorinë e Posaçme, me qëllim identifikimin e autorëve të këtij sulmi kibernetik.
Pavarësisht vështirësive të orëve të fundit, VNA nuk do të ndalet së informuari. Përpjekjet për të mbyllur gojën e medias përmes presionit apo sulmeve të tilla janë sa të shëmtuara, aq edhe nxitëse për të vazhduar më fort punën tonë.
Ju falënderojmë për mirëkuptimin, besimin dhe mbështetjen tuaj të vazhdueshme!
