Një ngjarje e rëndë është shënuar pasditen e sotme në qytetin e Vlorë, ku një fëmijë vetëm 2 vjeç ka humbur jetën në mënyrë tragjike.
Sipas informacionit paraprak, rreth orës 18:20, në lagjen “Pavarësia 3”, i mituri dyshohet se ka rënë aksidentalisht nga ballkoni i banesës në pallatin ku jetonte. Si pasojë e plagëve të marra, ai ka ndërruar jetë në vendngjarje.
Nga të dhënat e para mësohet se fëmija ndodhej në banesë së bashku me nënën e tij, shtetasen me iniciale K. H.
Në vendngjarje ka mbërritur grupi hetimor, i cili nën drejtimin e Prokurorisë po punon për zbardhjen e plotë të rrethanave dhe dokumentimin e kësaj ngjarjeje të rëndë.
