Një ngjarje e rëndë ka ndodhur sot në një poligoni në rrugën “Dervish Hima” në Tiranë, ku 35-vjeçar Bledi Hasani, dyshohet se ka kryer vetëvrasje me armën e zjarrit gjatë kohës që po ushtronte qitje.
Poligoni ku ndodhi ngjarja raporohet se ndodhet në afërsi të stadiumit Air Albania. Bledi Hasani sipas burimeve ka qenë klient në poligon, ndërsa dyshohet se ka kthyer armën nga vetja.
Ende nuk ka detaje mbi rrethanat e ngjarjes, apo arsyet që çuan viktimën drejt këtij akti.
Në vendngjarje ndodhen forcat e Policisë, të cilat, në bashkëpunim me grupin hetimor, po vijojnë punën për sqarimin e plotë të rrethanave të ngjarjes dhe për dokumentimin e saj.
Tiranë/Informacion paraprak
Rreth orës 13:30, brenda një poligoni në rrugën “Dervish Hima”, dyshohet se është vetëvrarë me armën e zjarrit me të cilën po kryente qitje, shtetasi B. H., 35 vjeç.
Në vendngjarje ndodhen shërbimet e Policisë, të cilat, në bashkëpunim me grupin hetimor, po punojnë për sqarimin e rrethanave dhe dokumentimin e plotë të rastit.
