Në Gjykatë Administrative vijon seanca paraprake për shqyrtimin e kërkesë padisë së Erion Veliajt kundër prokurorit të Posaçëm Ols Dado, prokurorit që e hetoi dhe ngriti 13 akuza penale mbi supe.
Veliaj pretendon se Dado është emëruar prokuror në kundërshtim me ligjin dhe kërkon që dekreti i presidentit të shfuqizohet.
Ja qëndrimi i përfaqësueses së Presidencës:
Bërdëllima: Nga z. Bamir Topi janë ushtruar të drejtat kushtetuese.
Ne kemi një propozim nga Prokurori i Përgjithshëm, një shkresë shoqëruese dhe më pas del me dekret Presidenca.
Ne nuk e kemi të qartë nëse kjo është praktikë e plotë. A ka akte që mund t’i ketë prokuroria e përgjithshme që ne nuk i kemi.
Ne nuk e dimë si është mbërritur deri në këtë akt.
Ne e lëmë këtë çështje në vlerësimin tuaj.
Nuk merret Presidenti me procesin e vlerësimit të kritereve.
Nga arkiva e Presidencës rezulton se kemi vetëm propozimin e prok përgj dhe një shkresë shoqëruese.
Veliaj: Ju po më thoni që në këtë emërim nuk ka asnjë gjë veç një letre?
Bërdëllima: Ne në arkivë nuk kemi një relacion të arsyetuar.
Veliaj: Nëse ka thënë të emërojnë prokuror Gomarin e Babatasit, ju do nxirrnit dekret?
(Ndërhyn gjyqtari Hazbi Balliu: Jo këto terma).
Veliaj: E kam folklorike, ok. Aqif Kapertoni.
Ju do ta dekretonit Gomarin e Babatasit, pa asnjë relacion shoqërues?
Bërdëllima: Po pyesni për 2026 apo 2008.
Sot jo. Nuk e di se si veprohej atëherë.
