Seanca për Erion Veliajn mbahet këtë të martë në GJKKO
Kryebashkiaku i Tiranës, Erion Veliaj, është i pranishëm këtë të martë në seancën e Gjykatës së Posaçme Kundër Krimit të Organizuar.
Në këtë seancë pritet të vendoset nëse çështja ndaj tij do të kalojë për gjykim. Veliaj ndodhet në paraburgim që prej muajit shkurt dhe akuzohet për një sërë veprash penale, përfshirë pastrim parash, mosdeklarim pasurie, korrupsion pasiv në 9 episode, shpërdorim detyre dhe futje të sendeve të ndaluara në qeli.
