Të paktën 16 persona përfunduan në pranga, 9 të tjerë u shpallën në kërkim, ndërsa dy kompani u proceduan penalisht, pasi dyshohet se ushtronin aktivitet të paligjshëm në përpunimin e mbetjeve dhe prodhimin e ferrokromit, duke shkaktuar ndotje të mjedisit.
9 prej të arrestuarve janë shtetas të huaj, të cilët kanë role drejtuese, teknike dhe punonjës. Ndërsa në kërkim janë aksionerët e komoanive. “Nga hetimet intensive, si dhe inspektimet e kryera në bashkëpunim me Inspektoratin Kombëtar të Mbrojtjes së Territorit, ka rezultuar se dy subjekte tregtare, të cilat ushtronin aktivitet në zonën e ish-Metalurgjikut, Bradashesh, Elbasan, kanë shkelur legjislacionin mjedisor, duke ndotur ajrin, ujërat dhe tokën, si dhe duke mos respektuar rregullat për menaxhimin e integruar të mbetjeve dhe përpunimin e mbetjeve të baterive”, njoftoi policia. Për shkeljet e konstatuara lidhur me menaxhimin e integruar të mbetjeve, gjatë inspektimeve u vendosën gjoba dhe u pezulluan aktivitetet e të dy subjekteve deri në përmbushjen e kërkesave ligjore.
Në kuadër të operacionit policor të koduar "Metalurgjiku", u arrestuan shtetasit:
Juncheol Chung – shtetas korean
Prakash Kadel – shtetas nepalez
Rahul Pal, shtetas indian
Styend Pal, shtetas indian
Munna Singh, shtetas indian
Rajesh Yadav, shtetas indian
Aaditiya Raj, shtetas indian
Rahul Pal, shtetas indian
Dheeraj Kumar, shtetas indian
Shtetas shqiptarë:
Jakup Karaj
Ismail Dybeli
Dorjan Xhufka
Elton Bejkolli
Besnik Abdiaj
Elton Beqi
Eglis Flaga
