Një zjarr i përmasave të mëdha ka shpërthyer mbrëmjen e sotme në fshatin Nikël të Krujës, si pasojë e djegies së mbeturinave në një kanal pranë një kabine elektrike.
Flakët janë përhapur me shpejtësi, duke rrezikuar disa banesa dhe automjete në afërsi të zonës së zjarrit. Në vendngjarje janë angazhuar forcat zjarrfikëse dhe punonjës të njësisë vendore, të cilët po punojnë për izolimin dhe shuarjen e vatrave.
Megjithatë, përhapja e zjarrit vijon, duke krijuar vatra të reja dhe duke e vështirësuar situatën.
