Gjykata e Posaçme vendos të kyçë në qeli Jozi Krajën, i cili akuzohet se përgati kushtet për të vrarë vëllezërit Durim e Valter Bami për llogari të ish-deputetit socialist Arben Ndoka.
Sipas vendimit të gjykatës, i pandehuri akuzohet për veprat penale: “Sigurimi i kushteve dhe i mjeteve materiale për të kryer vrasje”, në dëm të shtetasve Durim Bami dhe Valter Bami, e kryer në bashkëpunim të veçantë në formën e grupit të strukturuar kriminal, “Grup i strukturuar kriminal” në formën e pjesëmarrjes, si dhe “Kryerja e veprave penale nga organizata kriminale dhe grupi i strukturuar kriminal”.
Kraja u ekstradua nga Zvicra tri ditë më parë dhe tani do të qëndrojë në një paraburgim të sigurisë së lartë në pritje të gjykimit. Grupi kriminal u godit nga SPAK pas zbërthimit të komunikimeve të platformës së koduar Sky ECC.
