Një 12-vjeçar me shtetësi të huaj ka pësuar dëmtime në kokë pasi u hodh nga një shkëmb i lartë në det, në zonën e thellë dhe të izoluar të Gjirit të Gramës. I mituri, që ndodhej në vendngjarje bashkë me prindërit e tij, kishte nevojë për ndërhyrje të menjëhershme mjekësore.
Pas marrjes së njoftimit, shërbimet e Policisë Kufitare Dhërmi reaguan menjëherë dhe, në bashkëpunim me ekipin e urgjencës, transportuan me mjet lundrues personelin mjekësor drejt vendit ku ndodhej fëmija. Atij iu dha ndihma e parë dhe më pas u transportua në spital për trajtim të mëtejshëm. Fatmirësisht, ai është jashtë rrezikut për jetën.
