Gëzim Vija, 78-vjeçar u godit për vdekje me sende të forta në banesën e tij në në fshatin Bulgarec. Fillimisht u dyshua se vdekja mund të kishte ndodhur për shkaqe natyrale, por hetimet zbuluan se ishte vrasje.
Në polici janë shoqëruar të gjithë familjarët dhe të afërmit e viktimës dhe po merren në pyetje si persona që mund të kenë dijeni për ngjarjen. Pista kryesore ku po heton policia është ajo e vjedhjes me pasojë vdekjen, edhe pse në banesë nuk janë konstatuar humbje të hollash apo sende me vlerë, dhe vrasje për motive të tjera.
Që prej mëngjesit policia është duke kryer kontrolle në zonë e po ashtu po mbledhin kamera sigurie, pavarësisht se janë të pakta, me qëllim për të përcaktuar dinamikën e ngjarjes dhe identifikojnë autorët e vrasjes së të moshuarit, si dhe motivet.
