Gjykata e Lartë prishi vendimin e Apelit të Posaçëm për të pandehurin Ilir Selmani, i akuzuar si bashkëpunëtorë në vrasjen në 2019 të ish-policit Santiago Malko, i njohur si krahu i djathtë i Ervis Martinaj.
Vendimi u mor në dhomë këshillimi nga kolegji penal i përbërë nga Ilir Panda, Sandër Simoni dhe Medi Bici.
Ilir Selmani u dënua në 2023 me 28 vite burg. Ndërsa Apeli në atë kohë prishi vendimin për Elvis Gaçaj dhe e ktheu për rigjykim në GJKKO.
Për vrasjen e Santiago Malkos po gjykohen anëtarët e klanit Duka, mes tyre dhe kreu i klanit Leonard Duka. Dje Apeli i Posaçëm dënoi me 25 vite burg Blendi Tetën si bashkëpunëtor në të njëjtën ngjarje.
Klani vendosi dhe realizoi vrasjen e ish-policit pasi dështoi të vriste Martinajn, që rezulton i zhdukur pa gjurmë prej 2022.
