Gjykata e Durrësit ka vendosur këtë të hënë ndryshimin e masës së sigurisë për ish-drejtorin e IEVP-së, Indrit Cerloja, i cili ishte arrestuar nën akuzën e shpërdorimit të detyrës lidhur me arratisjen e Altin Ndocit.
Gjyqtari Xhevdet Lika ka pranuar kërkesën e mbrojtjes për zëvendësimin e masës nga “arrest në burg” në “arrest shtëpie”, duke e liruar kështu Cerlojan nga qelia.
Vendimi vjen pas kërkesës së vetë Cerlojas për një masë më të butë sigurie.
Cerloja do të vijojë hetimin në kushte arresti shtëpie, ndërsa çështja ndaj tij mbetet ende në proces.
