Gjykata e Tiranës caktoi masën e sigurisë arrest në burg për Sabah Nuzin, nën dyshimet pëe shkatërrim prone me eksploziv të makinës së Oltjon Klosit. Nuzi është arrestuar më parë për vrasjen e Klevis Lleshit me porosi të Aurel Hoxhës.
Gjykata caktoi arrest me burg edhe për Jurgen Gjonaj, Renato Balla, Eklips Letin si dhe Kristjan Ahmeramën. Ndërsa për Glentjan Kojtarin e Dorjan Hamollin u caktua masa e arrestit shtëpie. Për Geris Molla detyrim paraqitje.
Gjatë seancës Sabah Nuzi që dyshohet se e porositi krimin nga burgu i kundërshtoi akuzat.
"Nuk kam lidhje me ngjarjen. U kërkoj edhe medias edhe prokurorisë të jenë të kujdesshme me deklaratat, pasi akuzohem për diçka që nuk e kam bërë dhe po na fusni në hasmëri me të tjerët”, tha ai.
Sipas policisë ai urdhëroi që me 10 mars 2026 ti vihej tritol makinës së Klosit për shkak se ai si paguante një shumë prej 15 mijë eurosh, borxh që dyshohet se rridhte nga trafiku i drogës në Spanjë.
