Shtypi italian njofton se kokaina mbërrinte nga Amerika e Jugut e fshehur në kontenierë dhe kishte si destinacion tregun e Lombardisë. Vlera e trafikut kapte mbi 27 milionë euro. Ky është përfundimi i hetimeve të Guardia di Finanza-s së Komandës Provinciale të Milanos dhe të Shërbimit Qendror të Hetimit kundër Kriminalitetit të Organizuar, që kanë ekzekutuar një urdhër ndalimi për 28 persona: 25 në burg dhe 3 në arrest shtëpie.
Sipas prokurorisë, të dyshuarit janë pjesë e një organizate kriminale të lidhur me ’Ndrangheta-n e zonës së Locride-s, e cila mbështetej nga figura të kriminalitetit shqiptar dhe ishte e angazhuar në menaxhimin e trafikut ndërkombëtar të drogës.
Hetimi i bazuar në celularët me sistemin SkyECC
Hetimi është ndërtuar kryesisht mbi analizën e bisedave të zhvilluara përmes telefonave të enkriptuar SkyECC. Pika e nisjes ishte rubrika telefonike e Franco Barbaro, i konsideruar qendra e organizatës, së bashku me krahu i tij i djathtë Bruno Trimboli. Të dy mbajnë mbiemra të rëndësishëm të zonës së Locride-s, ndërsa aktivitetet e tyre janë zhvendosur prej kohësh në Lombardi, ku trafiku i kokainës gjeneron fitime milionëshe për klanet.
Roli i “kambistit” kinez
Mes të arrestuarve është edhe një shtetas kinez i akuzuar për pastrim parash. Sipas prokurorit të Milanos, Marcello Viola, ai vepronte si kambist, duke i lejuar organizatës të paguante furnizimet e drogës përmes sistemit informal të kompensimit financiar të njohur si “fei eh ’ien”, një metodë që lejon qarkullimin e kapitalit pa kaluar nga kanalet zyrtare.
Boshti Kalabri–Lombardi–Kampani
Hetimi i Antimafias, i kryer nga Gico i Guardia di Finanza-s, nxori në pah një skemë komplekse marrëveshjesh mes eksponentëve të kriminalitetit kalabrez, lombard dhe kampan, me synim lehtësimin e importimit të sasive të mëdha të kokainës nga Amerika e Jugut përmes kontakteve direkte me brokerë dhe furnitorë.
Rrjeti logjistik me bazë në Milano
Hetuesit identifikuan një rrjet të mirëorganizuar kriminal të rrënjosur në Lombardi, me degë operative në Gjermani, Holandë, Spanjë, Britani të Madhe, Kolumbi dhe Brazil. Grupi përdorte aplikacione komunikimi të enkriptuara dhe mbante kontakte të rregullta me trafikantë dhe ndërmjetës shqiptarë.
Droga transportohej me det në portet Livorno, Rotterdam, Gioia Tauro dhe Le Havre, duke përdorur teknikën “rip-off”, ku ngarkesat e kokainës fshihen brenda kontenierëve të ngarkesave legale.
⸻
LISTA E TË ARRESTUARVE
Në burg:
• Franco Barbaro, Platì, 1976
• Antonio Barbaro, Locri, 1984
• Giuseppe Trimboli, Locri, 1977
• Bruno Trimboli, Platì, 1976
• Rocco Violi, Milano, 1989
• Michele Portolesi, Platì, 1975
• Antonino Chindamo, Polistena, 1988
• Bartolomeo Pepè, Cinquefrondi, 1983
• Luciano Scarinci, Locri, 1984
• Marjus Aliu
• Fation Aliu
• Giuseppe Barbaro, Locri, 1986
• Ervin Bashmeta
• Giuseppe Catanzariti, Locri, 1984
• Davide Cannone, Milano, 1977
• Francesco Costa, Locri, 1979
• Kujtim Daiu
• Giuseppe Grillo, Locri, 1974
• Artur Hoxhosmani
• Giuseppe Scarfò, Polistena, 1990
• Giancarlo Tasca, Milano, 1984
• Antonio Rosario Trimboli, Locri, 1982
• Stefano Virgilio, Milano, 1991
• Yubo Xe
Arrest shtëpie:
• Francesco Biondo, Palermo, 1951
• Giuseppe Foti, Catanzaro, 1977
• Giuseppe Perre, Locri, 1997
⸻
