Një tjetër vrasje me thikë është regjistruar ditën e sotme dhe kësaj radhe në Berat, e tretë brenda pak orësh në të gjithë vendin.
63-vjecari Kristo Mema ka goditur me thikë për vdekje një 43-vjeçarin, Skender Hoxha lindur në Tropojë banues në Paskuqan. Debati mes tyre ka nisur për kalin e 63-vjecarit me të cilin u bën xhiro turistëve. Policia po punon për kapjen e autorit. Detajet në përditësim
Burime nga policia bëjnë me dije se vrasja ka ndodhur brenda Kalasë së Beratit në syrin e turistëve shqiptarë dhe të huaj.
Autori Kristo Mema mësohet se ka precedentë penalë për vrasje në Greqi.
Njoftimi i policisë:
Berat/Informacion paraprak
Rreth orës 15:10, në lagjen e Kalasë, shtetasi K. M., alias K. H., 63 vjeç, banues në lagjen “Barrikadë”, Berat, dyshohet se gjatë një konflikti për motive të dobëta ka goditur me mjet prerës shtetasin K. H., 42 vjeç, banues në Tiranë, i cili ka humbur jetën.
Shërbimet e Policisë janë vënë në ndjekje të autorit dhe po kontrollojnë zonën për kapjen e tij.
Grupi hetimor vijon punën për përcaktimin e rrethanave dhe dokumentimin e plotë të ngjarjes.
