Detaje të reja dalin nga ngjarja e rëndë që ndodhi në Tiranë, ku një 21-vjeçar, Marko Bega, u sulmua dhe plagos rëndë nga tre persona. Sipas njoftimeve, autorët kanë shkuar në banesën e tij dhe e kanë goditur me shishe në kokë, duke i shkaktuar dëmtime të shumta, përfshirë edhe prerjen e një pjese të veshit.
Policia njoftoi se janë arrestuar tre shtetasit e përfshirë në ngjarje: Florjan Faslia, Mentor Daja dhe Samuel Tahiraj. Sulmi ka ndodhur pas një konflikti me motive të dobëta.
Marko Bega ndodhet aktualisht në spital, nën kujdesin e mjekëve, ndërsa materiali hetimor është referuar Prokurorisë për veprën penale “Plagosje e rëndë me dashje” të kryer në bashkëpunim.
Njoftimi i Policisë:
Tiranë-Plagosën rëndë për motive të dobëta një 21-vjeçar, identifikohen dhe vihen në pranga 3 shtetas.
Specialistët për Hetimin e Krimeve në Komisariatin e Policisë Nr. 2, pas marrjes së njoftimit se në rrugën “Mihal Popi”, kishte ndodhur një konflikt gjatë të cilit ishte dëmtuar me sende të forta një shtetas, kanë organizuar menjëherë punën për kapjen e autorve dhe vënien e tyre përpara përgjegjësisë ligjore.
Si rezultat i veprimeve të shpejta u identifikuan dhe u vunë në pranga shtetasit: F. F., 18 vjeç, M. D., 21 vjeç dhe S. T., 19 vjeç, të tre banues në Tiranë.
Këta shtetas, në rrugën “Mihal Popi” pas një konflikti për motive të dobëta, kanë goditur me sende të forta shtetasin M. B., 21 vjeç, duke i shkaktuar dëmtime të rënda. Aktualisht, 21-vjeçari ndodhet në spital, nën kujdesin e mjekëve.
Materialet u referuan Prokurorisë për veprën penale “Plagosje e rëndë me dashje” e kryer në bashkëpunim.
