Një 44-vjeçare ka humbur jetën në fshatin Selitë-Mal, në zonën e Zall Bastarit, pasi dyshohet se është rrëmbyer nga rrjedha e lumit gjatë tentativës për ta kaluar atë. Trupi i pajetë i gruas është gjetur dhe është nxjerrë nga lumi.
Tiranë/Informacion paraprak
Në fshatin Selitë-Mal, Zall Bastar, dyshohet se gjatë tentativës për të kaluar lumin, shtetasja B. P., rreth 44 vjeçe, është marrë nga rrjedha e tij dhe për pasojë ka humbur jetën. Trupi i pajetë i 44-vjeçares është gjetur dhe nxjerrë nga lumi.
Grupi hetimor, në bashkëpunim me shërbimet e Policisë, ndodhet në vendngjarje dhe po kryen veprimet hetimore për sqarimin e plotë të rrethanave të rastit.
