Një moment i tensionuar është regjistruar në përfundim të protestës kombëtare të PD ditën e sotme.
Tre deputetët e PD, Flamur Noka, Belind Këlliçi dhe Xhelal Mziu u përplasën me dy persona që besohet se janë efektivë civilë. Këta të fundit shkëmbejnë edhe ofendime përveç shtyrjeve fizike me deputetët e PD, të cilët u kërkojnë atyre të largohen.
Nga ana tjetër edhe deputetë Gazment Bardhi, Bledion Nallbati dhe Klevis Balliu iu drejtuan një grupi efektivësh Shqiponja që kishin rrethuar selinë e PD të cilëve iu kërkuan të largoheshin.
Kujtojmë se deri më tani janë arrestuar 35 persona, ndërsa një protestues është lënduar dhe ka marrë trajtim në spital.
